مقــــــبرة أمـــــل

**الغالي علوش** الجمعة أغسطس 22, 2008 8:56 am

مقبرة أمل
وهالقلب لشو بعد يحمل أسى
قولك لوين بده يكمل رحلته؟

والدني بترميه وبترجع تلقطه
لأيمتى بدا تضل هيك تمرجحه

قولك صحيح في سعادة بهالدني
ولا وهم منضل نحن نلحقه

قالوا الفرح من جوا منخلقه
ولشو؟ وهبة هوا رح تخنقه

والأمل شعاع بعتمة هالطريق
نسيوا يقولوا اديش صعبة موتته

يمكن هالعمر مانو إلا درب
مو لا محل ومتله متل قلته

إلا لنعرف إنه الما شي
هو البيضل وبيبقى رغم خفته

والله تعبت، بيكفي وحاجي بقى،
وهالعمر لشو بعد أحمل ثقلته

أَمَلَك وتر ، إذا نشّز
شدّو على صدرك
لحتى يدوزنك
وتدوزنه

موتةْ أمل هيي الرحم ..
من عتمِتو بيخلق أمل أحلى
هيدا القدر ، منآمنه!

الأمل السهم ، ضلعو لهالنشّاب
حتى وَلََو ما صوّب النخلة
ما فينا ندفِنه

منراهن ؟
وعَ اليأس؟؟!
فيي على ذاتي ، عَ حقيقِتي استأمنه؟

قالوا الفرح سهوة حقيقة محرِزِة
عمري بدل كذبة حقيقةْ
مستعدّة ارهنه!

قومي معي نجمّع زعلنا نيبّسو
وننشفه
ونقصقصه وندخّنه!

وهالليل هالخيفان ، مش نازل وما كان
لولا شمس تاني صبح ما بترجع
وبتطمّنه

صديقتي في زمن أصبح فيه الأصدقاء أندر من الأمل..
أفرجي عن مناجمك أيضاً وأيضاً
أفرجي عن دفترك الصغير المكتنز بخطوط يديك
وعن روحك الكبيرة أكثر وأكثر....

لم أخبرك أنني أحببت دفتر المخطوطات الصغيرة
أحسسته معجوناً ب "رنا"
وتعج بالحياة...

- صديق آخر أحب أن أتحدث إليه خصوصاً حين تكونين أنت محور الحديث
اتفقَ معي أنك لم تخرجي بعد من مكنوناتك نسبة الواحد بالمئة

وجودك في حياة من حولك أمل بحد ذاته كاف
حين أسمعك وأنظر إليك أفرح لأنني بك لا أزال أستطيع أن أؤمن أن اكسير الإنسان بخير
وأعتقد أنك تعرفين أنني لا أجامل.
"سامحه، فهو يعتقد أن عادات قبيلته هي قوانين طبيعية"